СтIал Мислимат
ЛУВАР КВАЙ ИНСАН
Чир жен гьардаз вичин уьмуьр, кьилиз тухурвал—
Адаз чавай лугьуз жеда: «Лувар квай инсан!»
Руш ятIа, мал-жамал кIватIин , гъуьлуьз тухурвал,
Эллеминди лугьудайвал: «Гьунарлу инсан!”
Гьар са касдиз, вичиз лайих, тIвар ганва хъсан.
Жафа хьана, лугьуз хьайтIа, ламразни «инсан».
Къалада вич гьар са касди крарай вичин,
Лам чир жеда кIулал алай пурарай вичин.