Кьуразва вун, дуьнья гуьзел,
Тар хьиз кьураз битмиш жезва.
Гьинва цуьквед кьунвай ви хел?
Вал гьихьтин къе емиш жезва?
Ви кук1вал къвез ч1улав пехъер,
Билбил хилел аквазмай туш.
Вуна гъизвай туькьуьл бегьер,
Ширинвилив ргазмай туш.
Ламарив на вугузва тахт,
Къимет кьий ви экуь дуьнья.
Кесибривай къакъудиз бахт,
Чи гьал таквар, буьркьуь дуьнья.
Базар я вун, диши-эркек,
Къвез хъфизвай, аман лугьуз.
Агъу цанвай гъизва лембек,
Хъухъ инсанар, дарман лугьуз.