Цішыня.... І ў начы шум машын не змаўкае,
Грукат гумавых колаў чуваць у двары, на шашы.
Родны горад не спіць, нават ноччу спакою не мае.
Дзе ж знайсці цішыню, дзе ж знайсці цішыню для душы,?
Калі падае цень на зямлю, дзень схіліўся на захад,
І ты, стомлены, маеш жаданне адно - адпачыць.
Ты марудна, панура ідзеш, сэрца ж рвецца да хаты,
Каб у цішы спакой для душы і для цела набыць.
Дзе ж яна, цішыня? Дзе знайсці для душы адпачынак
Сярод шуму и гвалту, што нават не знікне ўначы?
Трэба проста ў жыцці невялікі зрабіць перапынак,
Перагледзець каштоўнасці, проста іншаму дапамагчы...