Вун ви аялрин арада
Яран чирагъ хьиз аквада.
Гьикьван вун гуьзел рахада,
Даим билбил, муаллим руш.
Припев:
Ухшар я ваз экуьн сегьер,
Муаллим руш.
Кими тахьуй ви чинай хъвер,
Муаллим руш.
Чирвилерин ч1ехи девлет
Къачуна, ч1угуна зегьмет,
Халкьдин патай еке гьуьрмет
Къазанмишай муаллим руш.
Гележегдиз ачух рекьер
Туьк1уьра, хьуй хъсан сефер.
Вал аманат гъвеч1и рик1ер
Куьк1уьр ая, муаллим руш!