Муэллифи бельгисиз.
Джемалятдин Челебининъ
аилесине фронттан
кельген мектюб.
Дар олакълы миналыкътан
Дозорджилар кетелер.
Ачыкъ орден сон чеккенсон
Юхлама деп туртелер.
Бу арада душман кельди,
Арткъа чекиль!Сесинен
Яваш-яваш чекильдилер,
Бир бирининъ пешинден.
Абдурады Джемалятдин,
Акопындан атлады -
Арадаки кучук те мина,
Токъундукъче - патлады!
Дорте больди гъарипчикны,
Узакъларгъа ташлады,
Да узакътан - АЛЛА... деген
Седа гелиб башлады.
Санитарлар топландылар,
Сон частьина кельтирип,
Ондакъкъадан мерхум олды -
Рахмет олсун дедилер!
Демир йолнын кенарына
Кабирини къаздылар,
Баш ташынинъ узерине -
Джемалятдин яздылар.
Мусульманлар гъарипчикке
Дувасыны эттилер,
Ерге комюп, эр бириси
Акопына къайттылар.
Эн буюк огълум - Муртаза,
Чалыш огълум, тохтама!
Меним бабам келеджек?,деп,
Кимселерден сорама.
Ортанджисы Къатидже -
Акъылымдан чыкъмай ятындже!
Юрекчигим янай къара ере киргендже!
Джемалятдин - адын къалды,
Урбаларынъ - буклю къалды,
Алты балан - оксюз къалды.
Мина отына яндын,
Балаларны коралмадын, яндын,
Не ерлере кетти джанынъ???