Вахтар физва, чун жез чІехи,
Са девирда аялар тир.
Азиз диде, кьил тир рехи,
Чун ви рикІин хиялар тир.
Къе заз а ви гуьзел суьрет,
Лув гуз физвай циферикай;
Малаикрин галаз кІеретІ,
Карагзава вилерикай.
И дуьньядин гьар са нямет,
Ваз кІандай чаз хьана, диде.
Вун себеб яз бахтлу кьисмет,
Заз Аллагьди гана, Диде.
Диде, диде, ширин диде,
Мез вирт, акьул дерин диде!
Вил галама акунихъ мад,
Ви милаим хъуьруьн, диде.
Диде-Сад я, Сад я Аллагь!
Диде-багьа кас я, Валлагь!
Лугьузва заз даим рикІи,
Дидедикай манияр лагь!