Муьгьуббатдин, к1анивилин хиялар
Лезги руша садран винел акъуддач,
Себеб – амай дидейрилай лишанар-
И тербия чавай садан къакъуддач.
«Гъуьлуьз гайи к1валин цлан къван хьурай»,
К1вачерик руг хьуй итимдин, балайрин»,
«Дишегьлиди хзан патал чан гурай»-
И гафар чаз гьахъ аквада бубайрин.
К1анивални кьисмет хьайдаз багъишда,
Лампадавай шемед экв хьиз куьк1уьнна
Данкод рик1и кузвай ц1ал нафт эличда,
Михьивилив гьиссерин муг туьк1уьрна.
Рухвайрини рушарини вилерай
К1ани ярдин шикил акун ширин я,
Къуй Керемни Эсли тахьуй гъетерай,
Лезги рушан муьгьуьббат,дуст, дерин я.
18/05/2013