Вилер аваз, дуньядин экв такурла,
Жигер аваз, гьава герек такурла,
Дердер аваз, дарман куьмек такурла,
Ахпа суза рик1из гьахьда гапур хьиз.
Хизан аваз, аялрин хъвер такурла,
Душман аваз, шадвал-мехъвер такурла,
Бустан аваз, назик бегьер такурла,
Ахпа суза рик1из гьахьда гапур хьиз.
Дустар аваз, салам, гьуьрмет такурла,
Сувар аваз, хуьрек, шуьрбет такурла,
Лувар аваз, цавун женнет такурла,
Ахпа суза рик1из гьахьда гапур хьиз.