"Ими" лугьуз гардан кьуна,
Шадарда зун анжах вуна,
Теменрин гел хъуьхъвел туна,
Шехьиз-шехьиз хъфида вун.
Дидедиз гьич ябни тагуз,
Экуьн кьиляй вун гьар юкъуз,
Къенфетар гваз "ими" лугьуз
Мад имидал илифда вун.
Ви гьар са югъ сувар хьурай,
Хуьруьз вакай лувар хьурай,
Хъсан патахъ ви тlвар хьурай
Элди алхиш ийида вун.
Халкьдиз жуван це на къимет,
Чlехи касдиз ая гьуьрмет,
Гьалал чир хьухь чlугу зегьмет,
Сад АЛЛАГЬди лап хуьда вун.
Дидед зегьмет хуьх на рикlел,
Нвагъ такуй заз ви вилел,
Гьамишанда вичин гъилел,
Владика цуьк хьиз хуьда вун.