Гъиле кисе гайит1ани,
Ац1ай дуьнья гъайит1ани,
Са к1ус ягъал тахьана,
Зун лезги я лагьана,
Чи т1вар вине кьан, лезгияр!
Гъвеч1и-ч1ехи чиз амукьна,
Гьурмет чи халкьдиз талукьна,
Хайи Ватандихъ умудна,
Пис хесетар квай галудна,
Чи т1вар вине кьан, лезгияр!
Икрам ийиз хайи чилиз,
Дидедин ч1ал жуваз чириз,
К1валин къулни хьурай чимиз,
Чарадаз чун такуй жимиз,
Чи т1вар вине кьан, лезгияр!
Сир ахъайдай кас чир хьана,
Гьар камуна карчи хьана,
Гьахъ лезгияр т1вар чал гьана,
Зайиф касдиз куьмек гана,
Чи т1варвине кьан, лезгияр!
Чун аялриз хьана чешне,
Рик1ел хвена ери-бине,
Инсанвилел гьалин дуьне,
К1вач эцигин шегьре рекье,
Чи т1вар вине кьан, лезгияр!