Ч1ухлумп1арин къелемди наз къачунва
Тамай гъана дак1ардихъ за ак1урай,
Адак галгам к1унч1ари лаз кутунва
Къерех къекъвей пешерини ч1агурай.
Ашукь я зун гьейрани я къелемдал
И гуьрчегвал т1ебиатди багъишай,
Ч1агай, дигай алай либас-перемдал,
Лацу,къацу,яру рангар дуьзмишай.
Иерни я ч1ухлумп1рин тар, дарман я
Дигмиш емиш, тандин хамни,дувулар,
Менфятлу я, хийирлу я, харман я,
Акурбурун шадардар ийиз гуьгьуьлар.
Йисан вири вахтара са марал тир
Ч1ухлумп1арин къелемдал зун пехил я,
Жерягь тушир, акунризни са гьал тир,
Адахъ акъаж тежезвай зун сефил я.
-Гьик1 алакьрин жув герекд хьун эллериз?-
Теснифзава, илигзава бейтерал,
-Вучиз ик1 рик1 секинсуз я йифериз?
Ч1ухлумп1рин тар хуп1 гурчегд я чилерал!
18/04/1013