Жуван багъри ватандихъ,
Аваданлу багъ-бустандихъ,
Гьахъвал кlани гьар инсандихъ
Гелкъведа шаир.
Элдин тарих алаз рикlел,
Яратмишиз шиир чарчел,
Дамах ийиз хайи чилел
Къекъведа шаир.
Ярдин суьрет рикlе аваз,
Гьахъ-адалат гъиле аваз,
И дуьньядиз шиирар гваз,
Пагь,къведа шаир.
Гьар хаиндиз лянет гана,
Халкьдиз шадвал,сувар гъана,
Вичин чилел са кард хьана,
Элкъведа шаир.
Жагъанмаз са гуьрчег гуьзел,
Кхьенмаз са шиир, гъезел.
Рагъ акурла вичин хуьрел,
Сагъ жеда шаир.