Къизилгуьлдиз вун я ухшар,
Пехил я вал бязи рушар,
Ашукь я вал билбил-къушар
Чи дагъларин,ханум Нина!
Кифер вегьен на къуьнелай,
Къушариз яд гуд гъилелай.
Алатдач вун зи рикlелай
Чи дагъларин,ханум Нина!
Пагь,Дербендин ханум я вун,
Вал дамахиз шад я хьи зун.
Мус аквадатl,лагь, заз на чун?
Зи шииррин,ханум Нина!
Сад АЛЛАГЬди хупl
гуьрчегвал,
Рушарикай вегьенва вал.
Кьилихъ галай бахтунин шал
Муьгьуьббатдин,ханум Нина!
Зи авадан бустандавай,
Са тар я вун бегьер гъанвай.
Мидаим хупl наз-дамах гвай,
Каинатдин,ханум Нина!