Такабур Шагь, Шалбуз Дагълар,
Аваданлу емиш багълар,
Атирлу тир цуьквед валар
Кlан я пара Владиказ!
Яргъи кифер авай рушар,
Ширин сес гвай билбил къушар,
Мехъерик шиш, дулма,ашар
Кlан я пара Владиказ!
Чlуру хиял рикlяй тефиз,
Ярдихъ галаз паркариз физ,
Адан кlвале ксуз йифиз
Кlан я пара Владиказ!
Дустуниз гъам,сир ахъагъиз,
Юлдашриз дуьз меслятар гъиз
Кlани рушаз чуьнгуьр ягъиз,
Кlан я пара Владиказ,
Мел-межлисдик ягъиз саз,тар,
Гьар суфрадихъ лугьуз тостар
Шадар ийиз жуван дустар
Кlан я пара Владиказ!
Жагъуриз гуьрчег гуьзелар,
Яратмишиз гагь гъезелар,
Машгьур хьанвай хуьр Хуьрелар,
Кlан я пара Владиказ!
Хуьрел Владик вун я уста,
Гьакъикъат гваз къекъуьгъ аста.
Намерд касдал гьалчиз кlута,
Кlан я пара Владиказ.