(А-ва Н-диз)
Харапlайриз элкъвена и дуьнья заз,
"Начагъ я зун" лагьайла на зайифдиз.
Гьар касдикай хьана хьи лап мидя заз,
Элкъвена зи шадвал ясдиз,гьайифдиз.
Аман АЛЛАГЬ зи азиздав куьз вуна,
Къакъат тийир начагъдин тlал агудна?
Начагъвилив вуна адан туьд кьуна,
Агь,зи ярдин шадвал вучиз къакъудна?
Кьарай къвезвач вун начагъ яз рикlиз зи,
Гуп-гуп ийиз сугъулдиз хур гатазва.
Экуь дуьнья ахквазмач гьич вилиз зи,
Хажалатди шаирдин рикl жакьвазва.
Ви шелдин ван мобилнидай атайла,
Зи ашкъидин таза тир цуьк шуьткьвена.
Зурзунари зи чан михьиз гатайла.
Ви шелдикай кай хирел заз кьел хьана.
Ваз,чан Нина,жемир кlиче датlана.
Зун Владик,галачтlани къвалав ви,
Ви кlанивал гьелбетда за кьатlана.
Зи жегьил рикl гала даим патав ви,