Захъ кумай кьван са ивид
стlал.
Вун паталди эцигда за.
Зи Азраил къведалди зал,
Вун виридав гекъигда за.
Аваданлу вун я уьлкве,
Гьар са нямет кьунвай гъиле,
Мидаим тlвар авай вине,
Мягькем Шагь дагъ я Хуьрелар!
Тарифуниз вун я лайих,
Асирра ви ава тарих,
Акунрихъ гьич квачир синих
Женнетдин багъ я Хуьрелар!
Аквазва заз ви гележег,
Мадни хьурай вун лап гуьрчег.
Хуш я заз ви чилелай цвег,
Пакаман рагъ я Хуьрелар!
Чкаяр вахъ ава хъсан,
Гьейран жедай гьар са инсан.
Жегьил шаир Владикан
Руьгьдин чирагъ я Хуьрелар.
Гьар няметдал мублагь я вун,
Тlебиатдин АЛЛАГЬ я вун,
Владикан панагь вун я,
Зи диб,утагъ я Хуьрелар!