Кlунтlун патав япунжадик
экечlна
Зи ктабдай ярдиз чlалар
кlелзавай.
Са арада яр патакай хкечlна,
Шехьиз-шехьиз катна яргъаз
лап завай.
И кlвалахди кьацl гана зи
гуьгьуьлдиз,
Дар авуна багъри
чуьлер,багълар заз.
Къарагъна зун фена адан
гуьгъуьниз,
Агъзур жуьре пис хиялри кьил
гатаз.
Кьуна за ам,эцигна кьил
метlерал,
Гьарайна хьиз-рикlиз сабур гуз
туна.
Вил къекъуьрна за баябан
чуьлерал,
Аватнавай чlарар чинлай
вахчуна.
Шехьзавай яр акурла зи
вилериз,
Гьасятда за вилик суал эцигна:
"Мана вуч я ацукьна вун
ишехьиз?"
Якъин жаваб це вуна заз
килигна!
-Гьикьван вуна бахтсуз чlалар
кхьида?
Бахтсуз яни вун захъ
галаз,Владик?
Чlалар кхьиз лагь, куьз на рикl
ифирда?
Мус килигда вун зи
чlалаз,Владик?
Харапlайриз элкъвезва и
дуьнья заз.
Шиирда на вун бахтсуз я-
лагьайла.
Инсанрикай агь, жезва хьи
мидя заз,
Шииррай ви гьиссерин гьал
акурла.
Ярдин ният бирдан рикlе
акьурла,
Муьгьуьббатдин гьиссна верцlи
легьзеяр.
Нарази яз,шехьзавай яр
акурла,
Къати хьана зи илгьамдин
лепеяр.
Хьайилахъди Владиказ вакай
свас,
Анжах са ви тариф жеда
шиирра.
Алукlда за вал тарифдин пак
либас,
Ви буй-бухах къекъуьрда за
фикирра.