Гъурбатда гьич къведач ахвар,
Йиф акъатда,агь,къатадиз.
Тамам жедач гъиле кьур кар,
Вахт фида лап йигиндиз.
Кlан жеда заз вун акурла,
Зи куьрпе хьиз къужахда кьаз.
Акl жеда хьи вун такурла,
Дар хьайид хьиз и дуьнья заз.
Вун вилериз аквазмай кьван,
Зун эсиллагь кьуьзуь жедач.
Багьа я заз ви гьар са къван,
Кlвач галкlана зун алукьдач.
Вун зи бах я,чан Хуьрелар,
Зи кьилел кап алтадзавай.
Вун зи дах я,чан Хуьрелар,
Зун акваз даим шадзавай.