Къизгъин илгьам рикlе авай,
Гьахъ-адалат гъиле авай,
Шаирвилин геле авай,
Шаиррикай сад я,Эйваз.
Шииралди пара мублагь,
Халис лезги элдин панагь,
Азиз дустар лугьун вАЛЛАГЬ,
Шииратдин гад я,Эйваз
За квез лугьун а Эйваз-кас,
Таб атlудай язва алмас,
Кьадач адан гафарри пас,
Шагь дагъларин пад я Эйваз.
Къалурайла кхьей шиир,
Пер хадач на,кутада кlир.
Цlийиз атай жегьил шаир,
Лигимардай чад я,Эйваз.
Чlал кхьидай шаир хьунал,
Шииррикай заз тарс гунал,
Ваз шиирар къалурунал
Зун Владик,шад я,Эйваз.