Лезги рушар, дагъви рушар,
Гуьрчег я къамат,
Дагъвийриз хас лишанар я
Намусни гъейрат.
Ая дамах, рик1ени тур
Ч1ехи тир къастар!
Чешне къачу дидейрилай,
Хуьзвай лезги т1вар.
Вафалу хьухь пак адетриз,
Хьуй вири гьейран!
Париж,Лондон, Рим, Вашингтон
Туш гьа куь ватан.
Куь дагъларин маралар я,
Такабурлу хьухь!
Чи бубайри, чи гадайри
Авурай квел фурс.
Лезги рушар, дагъви рушар,
Хуьх куьне сабур!
Куь чи к1валин, лезги чилин
Абур я, абур.
2009