Инсанар вуч я гьар жуьре:
Сада твада бириш пеле,
Мукуьдавни жеда гьилле...
Хьайит1ани дуьне гъиле
Бязида сир вугудач.
Бязибурун шадвал рик1е
Жеда, кьурла са цуьк гъиле.
Гуьруьш ийиз ракъин нурар,
Акатай хьиз вичик лувар,
Вири сад я, - лугьудач.
Ахъайда ваз рик1ин варар...
Дидардикай ви кьаз хабар.
Рик1е аваз вирдаз чка,
Гьахъ гафариз лап яз заха,
Вич артух я, - лугьудач.
Инсанар вуч я гьар жуьре.....