Дапамажыце разабрацца!
Што гэта дзеецца ў людзей?
Мы сталі меней усміхацца,
А рагатаць – яшчэ радзей.
У чым, і праўда, перашкода –
Што засмучае нашы дні?
Чаму няма ранейшай згоды,
Былой душэўнай цеплыні,
Таго, даўнішняга, адзінства
І смеху, што раней звінеў?
Дзе сёння тое, што ў дзяцінстве
Яскравым сонцам кожны меў?
Мо гэта – нейкая хвароба
Вампірам смокча весялосць,
І распаўсюджвае мікробы,
І сее змрок: "Смяяцца - досць?!"
Ці гэта – веку злыя чары,
Наступствы восеньскіх начэй?
Вакол так многа сумных твараў
І насцярожаных вачэй!
А можа, сёння гэта модна:
Хаваць душу сваю ўнутры
І быць ад радасці свабодным,
І кожны стрымліваць парыў?
А мо, пара, пакуль не позна,
Сусвет усмешкай ахінуць?
Паміж засмучаных дарослых
Якія дзеці падрастуць?
І хто навучыць іх смяяцца,
Калі так будзе і далей?
Таму давайце ж усміхацца!
І ўсім нам будзе весялей!!!
15.11.2010