***

И цхьа некъ – дуьне мел хьийза
Адмаша бинарг сел беха.
И цхьа некъ – мел дукха къийсарх,
Хийцалур боцург вай дехарх.

Дуьненчохь уггар а беха,
Дуьненчохь уггар а боца,
Массо а некъел бу къаьхьа,
Массо а некъел а мерза…

И цхьа некъ – б1аьрлаг1ех лаьтташ,
Дуьтуш берг шел т1аьхьа хаттарш,
Дог хьостий, вай т1ома дохург,
Дог дагош, вай къиза отург.

И цхьа некъ – адаман дахар –
Къизачу сийлаллехь вагар…
И цхьа некъ – эшаман аре,
И цхьа некъ – толаман х1оллам…
7.04.10.