Дунял гIолеб гьечIо дий.
Дунял гIечIел гIадамал
ГIемерал рукIун руго.
Ракьалда тIад чагIазул
Рагъал гьанжеги руго.
Дирги хьул бергьун буго
Дуниял дир букIине;
ЦохIо гьаб дунял гуреб
АнцI-анцI дунялал рокьун.
Кинаб гьаб гIасияб хьул
Каранлъ бахъаяб рекIелъ,
Буго чанги суал дир
Дица дие гьабулеб.
Жеги шукру тIагIинчIев,
ТIагIат кIочIон хьвадичIев,
Дун жакъа кин вукIинев
Дирго росдада цеве.
ТIасалъугьа росу-халкъ,
ТIасалъугьа, хирияй,
Дун довго Сеймур вуго,
Дилъ шукруги тIагIинчIо!
Хирияй, дир гIагарай,
Дир сабурай, узданай,
Дир духъ ккараб гIишкъудуй
ГIолеб гьечIин дуниял.