СОНЦА КАЛІФОРНІІ
Адкаркую вiно — Калiфорнii сонца —
I на донца фужэра плясну.
Хай за вокнамi снег карагодзiць бясконца, —
Я фужэр падыму за вясну.
Нерэальная мара п’янiць i дурманiць.
Да вясны яшчэ столькi начэй.
Калiфорнii сонца у белым тумане
Не прачнулася, пэўна, яшчэ.
Ты прыйдзi i святло патушы у пакоi,
Працягнi мне праз цемень далонь...
Мне прыемна здымаць з цябе тонкiя строi
I распальваць жадання агонь.
Будзем разам, пакуль новы дзень не настане,
Пiць нектар асалоды нагбом...
Калiфорнii сонца узыдзе над намi
I захмелiць свiтальным вiном.