МАМА І ТАТА
Родны дом у засенi бяроз,
Белыя разныя аканiцы...
У зiхоткiх кроплях белых рос
Сонца узыходзiць i садзiцца.
Тут мая ласкавая зямля —
Дробная пясчынка у сусвеце.
Тут мая вялiкая радня —
Самая гасцiнная на свеце.
Мама i тата, родная хата
Клiча дадому мяне.
Мама i тата, вы — маё свята,
Сонца ў радзiмым акне!
Сустракаюць ласкай i цяплом
Добрыя матулiныя вочы.
Мой старэнькi мiлы родны дом
Сэрца адпускаць маё не хоча.
Я сюды вяртаюся у снах,
Удыхаю дым салодка-горкi...
Асвятляюць мой жыццёвы шлях
Дзве душы, дзве ранiшнiя зоркi...
Мама i тата, родная хата
Клiча дадому мяне.
Мама i тата, вы — маё свята,
Сонца ў радзiмым акне!